*मराठा मंडळ मुलुंड,मुंबई सांस्कृतिक केंद्र इमारत* ,2रा मजला सभागृहात शनिवार दि.१४/०९/१९ रोजी, मंडळातील हौशी गायक कलाकारांचा *आपण सारे गाऊया* व *नॉस्टॅल्जिक स्याटरडेज* प्रस्तुत *हम दोनों* या शिर्षका अंतर्गत संगीतकार लक्ष्मीकांत प्यारेलाल यांच्या गाजलेल्या गाण्यांपैकी काही निवडक गाणी घेऊन कराओकेच्या माध्यमातुन उत्तम असा गाण्याचा कार्यक्रम सादर करण्यात आला.
लता दीदींच्या सत्यम् शिवम् सुंदरम् पासुन ते मोहम्मद रफी यांच्या परदा है परदा या कव्वाली पर्यंत सर्वच्या सर्व गाणी बहारदार झाली. या उत्कृष्ट गाण्याच्या सादरीकरणाने पुर्ण खचाखच भरलेल्या हॉलमधील रसिकांचे भरपूर मनोरंजन झाले. हा कार्यक्रम सुरुच राहु दे, संपूच नये. असे प्रत्येकास वाटत होते.
निलेश सुर्वे आणि राजेश सावंत यांनी कार्यक्रमात निवेदनाची जबाबदारी अतिशय सुंदर पद्धतीने सांभाळली.
तसेच मराठा मंडळाच्या *आपण सारे गाऊया..* या ग्रुपच्या वतीने गायक सभासद निलेश, राजेश, अजय, ऋचा, संपदा, जान्हवी, करुणा, विद्या आणि *नॉस्टॅल्जिक स्याटरडेज* ग्रुपमधून राहुल, प्रणय, शारदा, मधुश्री यांनी मिळून सहभाग घेतला होता.